Анықталған кемшіліктер бойынша нысан басшылығына ұсынымдар беріліп, оларды жедел жою жөнінде тапсырмалар берілді, деп хабарлады Polisia.kz.
Түркістан облысы ІІД экстремизмге қарсы күрес басқармасының қызметкерлері облыстағы бірнеше білім беру мекемелерінің лаңкестікке қарсы қауіпсіздігін тексеріп жатыр. ️
Түркістандық полиция қызметкерлері Мақтаарал ауданындағы Ғ.Мүсірепов атындағы мектепте болды. Олар оқу орнында орнатылған «дүрбелең» түймесін басу арқылы оның жұмысын бақылап отырды.
Сондай-ақ олар дабыл қаққанда полицейлердің қанша уақытта жетуін және олардың қалай әрекет ететінін тексереді.
Тәртіп сақшылары оқу орнындағы бейнекамераларды қарап, бекітілген қауіпсіздік қызметкерлеріне жүктелген міндеттерді түсіндірді.
Бірнеше күн бойы полиция өкілдері 30-дан астам субъектіге тінту жүргізді. Сонымен қатар, мекеме қызметкерлеріне тұрғындардың қауіпсіздігі мен әртүрлі дағдарыстық жағдайларда нысан қауіпсіздігін қамтамасыз етудің маңыздылығы түсіндірілді.
Полиция басшысының тапсырмасы бойынша бұл бағыттағы жұмыстар жалғасуда.