Украина бойынша қарашадағы екінші бейбітшілік саммиті өтпейді, деп хабарлады Украина президентінің кеңсесі. Бұл туралы РИА Новости жазады.
Бірінші саммит маусым айында Швейцарияда өтті. Оған 100-ге жуық мемлекет қатысты. Нәтижесінде 70-тен астам ел коммюнике қабылдап, оған қол қойды.
Кеңсе бейбітшілік конференциясы біртіндеп дайындалып жатқанын түсіндірді. Қазіргі уақытта формуланың әрбір тармағы бойынша симпозиумдар өтіп, қорытындысында бірлескен коммюнике қабылданады.
Кеңсе: «Осы коммюникелердің негізгі ережелері Екінші саммиттің алдағы бейбітшілік жоспарына негіз болады», — деп атап көрсетті.
Гуманитарлық мәселелер бойынша Канаданың қорытынды симпозиумы 30-31 қазанда өтеді.
Бұған дейін Владимир Зеленский екінші «бейбітшілік саммиті» 2024 жылдың соңына дейін өтуі мүмкін екенін айтқан.