Полицейлер Шымкент тұрғынының бақшасынан 30 келі қарасора тәркіледі, деп хабарлайды Polisia.kz.
Абай аудандық полиция бөлімінің учаскелік инспекторлары рейд барысында құрамында есірткі бар өсімдіктердің егілгенін анықтады. Тәртіп сақшылары жергілікті тұрғынның бақшасынан қарасора бұталарын тәркіледі. Дәрілік өсімдіктің жалпы салмағы шамамен 30 кг.
Ер адамның үстінен құрамында есірткісі бар тыйым салынған өсімдіктерді заңсыз өсіргені үшін қылмыстық іс қозғалды. Оның бұрын да осыған ұқсас қылмыстары үшін сотталғаны анықталды.
Қазіргі уақытта тергеу амалдары жүргізілуде.
Полиция кез келген заңсыз есірткі айналымын ескертеді. Есірткінің заңсыз айналымы қоғамға қауіп төндіруде және қолданыстағы заңнамаға сәйкес жауапқа тартылады.