Жаяу жүргіншілердің қатысуымен болатын жол-көлік оқиғаларының санын азайтуға бағытталған алдын алу шаралары жалғасуда, деп хабарлайды Талдықорған, Polisia.kz.
Полицейлер облыс орталығының жолдарында мұндай оқиғалардың алдын алу үшін сақтық шараларын күшейтті.
Талдықорғанда жыл басынан бері жол қозғалысы ережесін бұзған 3921 жаяу жүргінші, сондай-ақ жаяу жүргіншілерге басымдық бермеген 273 жүргізуші жауапкершілікке тартылған.
Жетісуда тәртіп бұзушылықтар санын азайтып, жол қозғалысына қатысушылардың қауіпсіздігін арттыруға тырысқан полицейлер жолдардағы жағдайды жақсарту жұмыстарын жалғастыруда.
Құрметті жүргізушілер мен жаяу жүргіншілер, өз өміріңізге және басқалардың өміріне қауіп төндірмеу үшін жол қозғалысы ережелерін қатаң сақтауларыңызды сұраймыз.
Жол қозғалысы қауіпсіздігі әрқайсымыздың жауапкершілігіміз екенін есте сақтаңыз.