Жамбыл аудандық полицейлері бірнеше алаяқтық жасады деген күдікпен 27 жастағы жігітті ұстағанын Polisia.kz хабарлады.
Ер адам қамауға алынды, алаяқтық дерегі бойынша сотқа дейінгі тергеу амалдары жүргізілуде.
– Ұзынағаш ауылының тұрғыны полицияға хабарласып, пәтер алуға көмектесемін деген белгісіз ер адамның 2 миллион 150 мың теңге ақшасын иемденіп алғанын айтты. Тергеу барысында ұсталған азаматтың тағы екі адамды пәтер немесе жер алып беремін деп алдап, 5 миллион теңгеден астам қаржысын жымқырғаны анықталды. Келтірілген шығынның жалпы сомасы 7 миллион 375 мың теңгені құрады», — деді Жамбыл аудандық ішкі істер басқармасының басшысы Асхат Данияр.
Қазіргі уақытта полицейлер бұл заттың осыған ұқсас басқа да қылмыстарға қатысы бар-жоғын анықтауды жалғастыруда. Тәртіп сақшылары кез келген мәмілені жасау кезінде жұртшылыққа қырағы болу керектігін еске салады.