Polisia.kz Ақмола облысында құрамында алтыны бар материалдарды заңсыз өңдеген екі шағын цехты полицейлер таратқанын хабарлады.
Полицейлер іздеу-рейдтік іс-шаралары барысында Заводское ауылында құрамында алтыны бар материалдарды өңдейтін екі шағын цехты анықтады.
Тәртіп сақшылары тергеу аясында алты ұсақтағыш, жеті электр қозғалтқышы, екі жуу үстелі және 30 қап алтыны бар материал тәркіледі. Заңсыз кәсіпорын иелері Заводское ауылы мен Степногорск қаласының тұрғындары болып шықты.
Екі оқиға бойынша да сотқа дейінгі тергеу амалдары жүргізілді.
Айта кету керек, бағалы металдарды заңсыз саудалау ауыр айыппұл салуға немесе 50 тәулікке дейін қамауға алуға әкелуі мүмкін.