Мас күйдегі жолаушы әуежайда тәртіпті бұзғаны үшін рейстен шығарылды, деп хабарлайды Polisia.kz.
Ақтөбе әуежайының желілік полиция бөлімінің қызметкерлері Ақтөбе-Алматы рейсінің 38 жастағы жолаушысын қолға түсірді.
Әйел ұшаққа мінген кезде мас болған, авиакомпания қызметкерлеріне ұят сөздер айтып, түсініктемелерге жауап бермеген.
Құқық бұзушы ішкі істер бөліміне жеткізіліп, оған алкогольдік ішімдік ішкені немесе қоғамдық орындарға мас күйінде шыққаны және ұсақ бұзақылық жасағаны үшін әкімшілік іс қозғалып, 5 АЕК мөлшерінде айыппұл салынды.
Ұсақ бұзақылық іс істі шешу үшін сотқа жіберілді.
Естеріңізге сала кетейік, ұсақ бұзақылық үшін Қазақстан Республикасының әкімшілік кодексінде 20 АЕК көлемінде айыппұл салу немесе 15 тәулікке дейін әкімшілік қамауға алу қарастырылған.