Жол полициясы Қазалыдағы вокзалда ұсақ бұзақылық жасаған төрт ер адамды ұстады, деп хабарлайды Polisia.kz.
Жол полицейлері Қызылорда облысында орналасқан Қазалы стансасында ұсақ бұзақылық жасады деген күдікпен төрт жігітті қолға түсірді. Ұсталғандардың барлығы 26-27 жас аралығындағы аудан тұрғындары.
Оқиға Қазалы стансасында орналасқан дәмханада болған. Тексеру кезінде полицейлер бұл адамдардың сыра сатып алмақ болғанын, бірақ олардан бас тартқанын анықтап, мекеменің есігін қағып, дәмхана қызметкерлеріне балағат сөздер айтқан.
Құқық бұзушылар ұсақ бұзақылық жасағаны үшін әкімшілік жауапкершілікке тартылып, сот шешімімен әрқайсысына 20 АЕК көлемінде айыппұл салынды.
Тәртіп сақшылары көлік кешендері, соның ішінде вокзалдар, платформалар мен жолаушылар пойыздары қоғамдық орындар болып табылатынын және қоғамдық тәртіпті бұзуға жол берілмейтінін еске салады.