Тбилисиде шерушілерді ұстау басталды, деп хабарлайды РИА Новости. Агенттіктің хабарлауынша, наразылық білдірушілерге қарсы көзден жас ағызатын газ бен су атқыштар қолданылған. Қауіпсіздік күштерінен де, шерушілерден де шығын болды. Айта кетейік, Грузияның арнайы жасақтары арнайы техникасы мен су атқыштары бар Тбилисидегі Бостандық алаңынан парламентке қарай жылжыған.
Ол жерде үлкен наразылық шеруі өтіп жатыр. Бұған дейін Sputnik Грузия арнасы Тбилиси орталығындағы Бостандық алаңына арнайы жасақ, су атқыштар мен арнайы техника жұмылдырылғанын хабарлаған. 29 қарашада Грузия астанасының орталығында наразылық шерулері жалғасты. Бір күн бұрын биліктегі «Грузин арманы» партиясы Еуропалық Одаққа кіру жөніндегі келіссөздерді 2028 жылға дейін тоқтатқан болатын.
Бейсенбі күні оппозиция шеруіне Грузия президенті Саломе Зурабишвили де қосылды. 26 қазанда Грузияда парламенттік сайлау өтті. Олардың қорытындысы бойынша биліктегі «Грузин арманы» партиясы 53,93% дауыс жинады. Төрт оппозициялық партия да парламентке өтіп, жалпы саны 37,78% құрады.