Абсолюттік жекпе-жек чемпионатының бұрынғы чемпионы Хабиб Нурмагомедов АҚШ-қа бара жатқан ұшақта болған оқиғаға қатысты пікір білдірді. Қысқа даудан кейін спортшыға ұшақты тастап кетуді өтінді.
Нурмагомедовтың айтуынша, ол сабырлы болу үшін бәрін жасаған.
Basically Sports басылымының хабарлауынша, стюардесса боксшыдан төтенше жағдайда жолаушыларға көмектесе алмайтынын сезгендіктен басқа орынға ауыстыруды сұраған. Артынан дау туды. Стюардесса Нурмагомедовтен ұшақты тастап кетуді өтінді. Ол «бұл әділ емес» деп жауап берді. Сосын стюардесса: «Жарайды, супервайзерді шақырамын» деді.
Жолаушылардың бірі дауды смартфонына түсіріп алып, әлеуметтік желіге видео жариялады.
«Сұрау үшін маған жақындаған әйел басынан бастап өте дөрекі болды. Мен ағылшынша жақсы сөйлеп, бәрін түсінсем де, ол мені орнымнан қууды талап етті», — деді спортшы.
Оның айтуынша, қысқа әңгімеден кейін стюардесса күзет қызметіне хабарласып, оны ұшақтан түсіріп алған.
«Бір жарым сағаттан кейін мен басқасына мініп, діттеген жеріме бардым. Мен сабыр сақтап, арандатушылыққа бой алдырмау үшін қолдан келгеннің бәрін жасадым», — деп келтіреді РИА Новости спортшының сөзін.
Хабиб Нурмагомедов мансабын 2020 жылы аяқтады. Ресейлік спортшы 29 жеңісімен спортты жеңіліссіз қалдырды.