Киберполиция Қазақстан аумағынан шықпақ болған шетелдікті ұстады, деп хабарлайды Polisia.kz.
Жамбыл облыстық киберполиция басқармасының қызметкерлері облыстық прокуратурамен бірлесіп, 33 жастағы Ресей Федерациясының азаматын қолға түсірді. Ол «Алматы» сауда орталығында жәбірленушілердің банк шоттарынан ақша алу бойынша алаяқтық схемаға қатысты деген күдікке ілінді.
Тараз қалалық кезекші бөліміне зейнеткер алаяқтық туралы арызданған. Ол белгісіз біреудің одан алаяқтық жолмен 13,2 миллион теңгесін алғанын айтқан. Қылмыскер интернет ресурстарын пайдаланып, банктегі есепшотын пайдаланып, алаяқтық операция жасаған.
Күдікті Қазақстаннан шықпақ болған кезде ұсталды.
Алаяқтық фактісі бойынша сотқа дейінгі тергеу басталды. Айғақты заттарды жинау және қылмыстың барлық мән-жайларын анықтау бойынша қажетті тергеу шаралары жүргізілуде. Оның басқа да қылмыстарға қатыстылығы анықталуда.