Polisia.kz сайты биылғы жылдың басынан бері Көліктегі полиция басқармасының қызметкерлері түрлі әкімшілік құқық бұзушылықтар жасаған 53 654 тәртіп бұзушыны жауапкершілікке тартқанын хабарлады.
Қоғамдық орындарды ластау қылмысы бойынша – 5532, алкогольдік ішімдіктерді ішу қылмысы бойынша – 4268, қоғамдық орындарда жәбірлеу қылмысы бойынша – 2446, белгіленбеген орындарда сауда жасау қылмысы бойынша – 1714, темекі шегуге тыйым салуды бұзу қылмысы бойынша – 1570, ұсақ бұзақылық бойынша – 451 адам.
Алматы-1 стансасындағы желілік полиция бөлімінің қызметкерлері «тиегіш» қызметін көрсеткен 32 жастағы қала тұрғынын анықтап, қолға түсірді. Тәртіп бұзушы мас күйінде бақылау-өткізу пунктінің инспекторына әдепсіз сөздер айтқан.
Аталған факті бойынша ер адамға алкогольдік ішімдік ішкені немесе қоғамдық орындарға мас күйінде шыққаны үшін, сондай-ақ ұсақ бұзақылық жасағаны үшін әкімшілік қаулы жасалып, құжат қарау үшін сотқа жолданды.
Естеріңізге сала кетейік, бұл азамат жыл ішінде осыған ұқсас құқық бұзушылықтар үшін бұрын әкімшілік жауапкершілікке тартылған. Енді құқық бұзушыға он айлық есептік көрсеткіш көлемінде айыппұл салынып, он бес күннен отыз тәулікке дейін әкімшілік қамаққа алу көзделген.