Полицей-спортшыларды жеңісімен Жетісу облысының полиция басшысы құттықтады, деп хабарлады Polisia.kz.
Жетісу облыстық полиция басқармасының бастығы Сарқытбай Құсайынов ұлттық аренада жоғары спорттық жетістіктерді паш еткен қарамағындағыларды шын жүректен құттықтады. Ол Шымкентте өткен джиу-джитсудан «Асин аймақтық чемпионаты 2024» беделді турнирінде бірінші орын алған Шахноза Тажиеваға ерекше тоқталды.
Сондай-ақ үздік нәтиже көрсеткені үшін Жетісу облыстық полиция басқармасының намысын қорғап, спорттық жарыстарда өзін көрсете білген Қуаныш Есенеев пен Дәурен Ауданбаев марапатталды.
Республикалық деңгейде қоян-қолтық ұрыстағы жоғары шеберлік танытқан Айым Кенжебекова ерекше назар аударуға лайық. Тараз қаласында өткен жарыста Айым «Қоян-қолтық ұрысы» сайысында 52 келіден жоғары салмақ дәрежесінде жүлделі үшінші орынды иеленді.
Полиция қызметкерлерінің мұндай жетістіктері олардың кәсіби шеберлігін көрсетіп қана қоймайды, сонымен қатар, спорт алаңында да, қызметтік қызметінде де намыс пен абыройды қорғауға дайын, бөлім қатарында қызмет ететін нағыз жауынгерлерді көрсетеді.