Павлодар облысының полиция қызметкерлері ашықтық қағидатын нығайту мақсатында облыс тұрғындарының сауалдарына тікелей жауап беріп, «Көшеде қабылдау» республикалық акциясын өткізуде, деп хабарлайды Polisia.kz.
Акцияның алғашқы күнінде 400-ден астам адамға құқықтық көмек көрсетілді. Полицейлер мотоцикл әуесқойларына жол қозғалысы ережелерін түсіндіруге ерекше көңіл бөледі. Иммиграциялық заң мен полицияның жұмысқа орналасу мәселелері де тікелей эфирде көрсетілді.
Халықты шетел азаматтарының Қазақстан Республикасының аумағында тұруына қатысты нормалар алаңдатады. Мәселен, ауыл тұрғыны Ресей Федерациясының азаматы күйеуінің тұруға ықтиярхаты туралы шағыммен мекеме қызметкерлеріне жүгінсе, көші-қон қызметі тобы қажетті құжаттар тізімін түсіндірді.
Айта кетерлігі, әрбір абоненттің өтінішіне толыққанды жауаптар берілген.
Көптеген Instagram қолданушылары ұсыныстарын айтып, полицияның жұмысына ризашылықтарын білдірді. Сонымен қатар, полицейлер азаматтарға өздері анықтаған барлық заңбұзушылықтарды фото және видеоға түсіріп, департаменттің әлеуметтік желілеріне жариялауды ұсынады.
Негізі бұл акция халықты қолдаудың тиімді әдістерінің бірі болып табылады. Өйткені, азаматтардың кері байланысы барлық полиция бөлімшелері үшін маңызды хабарлама болып табылады. Ал полиция жұмысының басты басымдығы – барлық хабарламаларға, соның ішінде желідегі хабарламаларға дереу жауап беру.