Алматыда полицейлер тергеуден жасырынып жүрген күдіктіні қолға түсірді, деп хабарлайды Polisia.kz.
Қызылорда облыстық полиция департаментінің Ұйымдасқан қылмыспен күрес басқармасының қызметкерлері жедел-іздестіру іс-шарасы барысында есірткі қылмысына күдікті және 2020 жылдан бері іздеуде жүрген қала тұрғынын қолға түсірді.
Агенттер Алматыда жалдамалы пәтерде 42 жастағы күдіктіні қолға түсірді.
15 қыркүйекте ол уақытша ұстау изоляторына қамалды. Тергеу амалдары жүргізілуде.