Қарағанды облысында Қазақстанда заңсыз жүрген жеті шетелдік анықталды, деп хабарлайды Polisia.kz.
Қарағанды облысы Бұқар жырау ауданына қарасты елді мекендердің бірінде полицейлер Қазақстанда заңсыз тұрып жатқан 7 шетелдікті анықтады. Олардың барлығы көкөніс өсіретін жылыжайда жұмыс істейді.
Олар облыс аумағында Қазақстан Республикасының көші-қон заңнамасын бұзғаны үшін әкімшілік жауапкершілікке тартылады. Қазір оларды экстрадициялау мәселесі шешілуде.
Шетелдік жұмысшыларды заңсыз жалдағаны үшін жұмыс берушілер де әкімшілік жазаға тартылды.