Ақмола облысында Жүкей көлінде көптеген браконьерлер ұсталды, деп хабарлайды Polisia.kz.
Ұлттық саябақта бір аптадағы үшінші браконьерлік оқиғаның алды алынды.
Ағымдағы жылдың 22 қыркүйегінде Біржан-Сал полиция бөліміне телефон арқылы сағат 23.00-де Бурабай мемлекеттік ұлттық паркінің Темнобор орманындағы Жүкей көлінде тағы бір заңсыз балық аулау фактісі анықталғаны туралы хабарлама келіп түсті.
Орман шаруашылығы қызметкерлері Щучье-Степняк-Уәлиханово тас жолында Түркістан облысының 40 жастағы тұрғыны басқарған ГАЗ 31105 көлігін тоқтатты.
Оқиға орнына дереу жеткен жедел-тергеу тобы бұл азаматтың көлігінің жүк салғышын тексеріп, ішінен сазан балығы, резеңке қайық пен балық аулайтын аулар салынған 4 қапшықты тапты. Бұл жолы браконьерлер 160 келіден астам балық аулағаны анықталды.
Балық ресурстарын заңсыз пайдалану дерегі бойынша сотқа дейінгі тергеу амалдары жүргізілуде.