Күдіктілер түн ішінде жайылымнан 30-дан астам қойды ұрлап, көлікке тиеп, кейін із-түзсіз жоғалып кеткен, деп хабарлайды Polisia.kz.
Сарыағаш аудандық полицейлері еркін жайылымнан отар-отар қой ұрлаған екі күдіктіні қолға түсірді.
Қылмыскерлер ұрланған қойларды 15-20 мың теңгеге сатып, алған ақшаны өз қажеттіліктеріне жұмсаған. Жәбірленушіге келтірілген шығын шамамен 1,5 миллион теңгені құраған.
Сонымен қатар, құқық қорғау органдары олардың тағы да осыған ұқсас бес мал ұрлығы оқиғасына қатысы барын растады. Қазіргі уақытта күдіктілер қамауға алынып, сотқа дейінгі тергеу амалдары жүргізілуде.
