Қазақстанның Ақтау қаласының маңында жолаушылар ұшағы апатқа ұшырап, зардап шеккен үш Қырғызстан азаматы арнайы ұшақпен Бішкекке жеткізілді. Бұл туралы Қырғызстанның Төтенше жағдайлар министрлігі хабарлады.
«Қазақстан Республикасының Ақтау қаласында болған ұшақ апатынан зардап шеккен үш Қырғызстан азаматы Бішкекке жеткізіліп, Республиканың Ұлттық госпиталіне жатқызылды», — делінген хабарламада.
Қаза тапқандар мінген ұшақ 30 желтоқсанға қараған түні Қырғызстан астанасының халықаралық әуежайына қонды. Қазір ұшақ апатынан зардап шеккен Қырғызстан азаматтары «дәрігерлердің бақылауында».
Ұшақ апатынан кейін бірден Қырғызстан президенті Садыр Жапаров зардап шеккендерді Бішкекке жеткізу үшін арнайы ұшақ дайындауды тапсырды. Әзірбайжан әуе жолдарының жолаушылар ұшағында үш Қырғызстан азаматы болған, олардың барлығы аман қалды. Олардың бірінің жағдайы ауыр.