Ресей Қазақстанға да, Әзірбайжанға да Ақтау маңындағы ұшақ апатының мән-жайы мен себептерін тексеруге көмектеседі. Бұл туралы Ресей президентінің баспасөз хатшысы Дмитрий Песков мәлімдеді, деп хабарлайды РИА Новости оған сілтеме жасап.
Осылайша, Кремль өкілі АҚШ-тың Әзірбайжан әуе жолдарының (AZAL) ұшағы апатына қатысты мәлімдемесіне жауап берді. Жұма, 27 желтоқсанда Ақ үйдің стратегиялық коммуникациялар үйлестірушісі Джон Кирби ұшақты Ресей әуе қорғанысы атып түсірген деген болжам бар екенін хабарлады.
«Біз бұл мәлімдемелерді көрдік. Осы орайда мен федералды әуе көлігі агенттігінің басшысы Дмитрий Ядровтың кешегі мәлімдемесін еске салғым келеді», — деп баса айтты Песков және тергеу нәтижелерін күтуге шақырды.
Сондай-ақ ол президент әкімшілігінің болған оқиға туралы айтуы орынсыз екенін атап өтті.
Бұған дейін Кремль Ақтау маңындағы ұшақ апатына ертерек баға беруден бас тартқан болатын. Песков қайғылы оқиғаға қатысты тергеудің қорытындысы шықпайынша, болған оқиғаға баға бермейтінін айтты.
25 желтоқсан күні таңертең Бакуден Грозныйға ұшқан AZAL әуе компаниясының Embraer 190 ұшағы Ақтау маңында апатқа ұшырады. Бортта 67 адам болған, 38 адам қаза тапқан. Олардың ішінде 7 ресейлік бар. Әуе көлігі федералды агенттігінің басшысы Дмитрий Ядров «Кілем» жоспары Грозный әуежайында украиналық ұшқышсыз ұшақтардың шабуылдау қаупіне байланысты ұшақтардың қонуы кезінде күшіне енгенін растады. Оның айтуынша, қалада да қалың тұман бар.