Олар 30 күн ішінде беріледі. Бұл туралы республика Көлік министрінің орынбасары Талғат Ластаев мәлімдеді. «Біз Ақтау әуежайында ангар ұйымдастырдық, мамандар бұл мәселені шешумен айналысуда. Жалпы, стандарттарға сәйкес, алдын ала тергеу нәтижелері 30 күн ішінде жарияланады», — деді Ластаев ҚазАқпарат агенттігіне берген бейнесұхбатында. Бакуден Грозныйға бет алған Әзірбайжан әуе компаниясының Embraer 190 ұшағы 25 желтоқсан күні таңертең Батыс Қазақстандағы Ақтау қаласының маңында апатқа ұшырады. Қазақстанның Төтенше жағдайлар министрлігінің мәліметінше, ұшақта болған 67 адамның 29-ы аман қалған.