Батыс Қазақстандағы Ақтау қаласына жақын жерде апатқа ұшыраған Embraer 190 ұшағы соңғы рет 2024 жылдың қазан айында кешенді техникалық байқаудан өткен.
Бұл туралы Әзірбайжан әуе жолдарының (AZAL) баспасөз қызметі таратқан мәлімдемеде айтылған.
«Ұшақтың соңғы кешенді техникалық байқауы 2024 жылдың 18 қазанында өтті. Соңғы тексеруден бері ұшақ 671 сағат ұшты», — делінген хабарламада.
Баспасөз агенттігінің хабарлауынша, бұл ұшақ 2013 жылы шығарылған. Ол 9 949 қонып, 15 257 сағат ұшқан.
Бұған дейін Қазақстанның Көлік министрлігі Ақтау маңында апатқа ұшыраған ұшақтағы үш экипаж мүшесінің аман қалғанын хабарлаған болатын.