— Қылмыстық топтың 10 мүшесі полицияға жеткізілді, оның 6-уы қамауға алынды. 20-дан астам іздеу шаралары жүргізілді. Мылтық пен жүзді пышақтар тәркіленді. Бірнеше бұзақылық пен озбырлық фактілері бойынша сотқа дейінгі тергеу жүріп жатыр. Күдіктілердің осыған ұқсас басқа да қылмыстарға қатысы бар-жоғы тексерілуде. Ішкі істер министрлігі Ұйымдасқан қылмысқа қарсы күрес басқармасының өкілі Қуандық Алпыс бұл бағыттағы жұмыстардың жалғасып жатқанын айтты.