Қонаев қаласында полицейлер көлікті мас күйінде басқарған әйелді ұстады, деп хабарлайды Polisia.kz .
Оқиға жол қауіпсіздігін қамтамасыз етуге бағытталған кезекті рейд кезінде орын алған.
Тексеру барысында ұсталған азаматтың бұрын жол ережесін бұзғаны үшін жүргізуші куәлігінен айырылғаны анықталды. Осыған қарамастан ол мас күйінде рөлге отырып, өзгелердің өмірі мен денсаулығына қауіп төндірді.
Ұсталған азаматқа қатысты қылмыстық іс қозғалды. Ол қазір қамауда отыр.
Тәртіп сақшылары көлікті мас күйінде жүргізу өрескел заң бұзушылық болып табылатынын және жүргізушінің өзіне ғана емес, жол қозғалысының басқа қатысушыларына да қауіп төндіретінін еске салады.