Polisia.kz Астана полицейлерінің көлікте есірткі алып бара жатқан ер адамды ұстағанын хабарлады.
Арнайы жедел-іздестіру шарасы барысында полиция қызметкерлері 33 жастағы жолаушы мінген BMW көлігін тоқтатты.
Тексеру нәтижесінде оның денесінен құрамында ұнтақ бар целлофан табылды. Сараптама нәтижесінде тәркіленген заттың мефедрон екені анықталды.
Аталған факті бойынша қылмыстық іс қозғалды. Ер адам мойындады. Ол уақытша ұстау изоляторына қамалды.
Бұл азаматтың бұрын қылмыстық жауапкершілікке тартылғаны анықталды.
Полицейлер есірткіні заңсыз сақтау, тасымалдау және тарату ауыр қылмыс болып табылатынын және қылмыстық жауапкершілікке тартылатынын ескертеді.