Астана полицейлері әлеуметтік желіні пайдаланып, алаяқтық әрекетке барған алаяқты әшкерелегенін Polisia.kz хабарлады.
Жедел іздестіру шарасының нәтижесінде Алматы аудандық ІІБ криминалдық полиция қызметкерлері алаяқтық жасады деген күдікпен азаматты қолға түсірді. Ол жергілікті тұрғындардың ақшасын алаяқтық жолмен жымқырған 21 жастағы бойжеткен болып шықты.
Алаяқтың танымал әлеуметтік желіде ақша табу туралы тартымды жарнамалар жариялағаны анықталды. Алайда бұл соманы алу үшін адамдар ұтыстарының 10-20 пайызын төлеуге міндетті. Жергілікті тұрғындар көрсетілген нөмірлерге ақша жіберген, содан кейін алаяқ оларды бұғаттаған.
Ұсталған азамат кінәсін мойындады. Қазір алаяқтық фактісі бойынша сотқа дейінгі тергеу амалдары жүргізілуде.
Тергеу барысында күдіктінің осыған ұқсас 10 іске қатысы бар екені анықталды.
Полицейлер азаматтарды ұтыс ойыны, сауалнама және түрлі тақырыптарда сауалнама түрінде таратылатын күдікті сілтемелерді баспауға және жеке деректерін енгізбеуге шақырды.