Атырауда полицейлер қарақшылық шабуыл жасаған үш күдіктіні қолға түсірді, деп хабарлайды Polisia.kz.
Атырау облыстық полиция департаментінің Ұйымдасқан қылмыспен күрес басқармасының қызметкерлері екі тонаудың алдын алды.
Мәселен, Атырауда қонақүйлердің бірінде 23 және 18 жастағы күдіктілер күш қолданып, 39 жастағы тұрғынның алтын сақинасын, сағатын және 1,2 миллион теңге ақшасын ұрлап кеткен.
Сонымен қатар, 45 және 42 жастағы тұрғындардың ұялы телефондарын ұрлаған 36 жастағы күдікті де тез арада қолға түсті. Қазіргі таңда аталған тұлғалардың тонау фактісі бойынша тергеу амалдары жүргізілуде.
Айта кетейік, тонау 3 жылдан 7 жылға дейін бас бостандығынан айырылуы мүмкін.