Бұл оқиға 13 қыркүйек күні таңғы сағат 9-дар шамасында облыс орталығында болды, деп хабарлайды Polisia.kz.
Көкшетау қаласының ОМПС UP патрульдік полиция батальонының қызметкерлері «Көкшетау-Рузаевка» тас жолының сегізінші шақырымында тіркемесі бар «Фольксваген Пассат» көлігін байқап қалып, құжаттарды тексеру үшін көлікті тоқтатуға шешім қабылдады.
Тексеру кезінде полицейлер тіркемеден құжаттары жоқ 3 қойдың өлексесін тапты. Жүргізушінің қобалжи бастағанын байқаған тәртіп сақшылары көлікті толық тексеруден өткізуді ұйғарды. Бекер емес екен. Анықталғандай, автокөлік ағымдағы жылдың 8 қыркүйегінен бері Петропавл қаласында ұрланған.
Алайда жүргізуші өз нұсқасын айтты. Айтуларынша, ол көлікті жақында сатып алған және қылмыстан бейхабар болған. Нәтижесінде көлік мамандандырылған уақытша ұстау изоляторына жеткізілді. Жасалған қылмысты аумақтық юрисдикцияға беру туралы іс әзірленуде.