Ақмола облысында сотталғандарға арналған халықаралық стандарттарға сай екі жаңа тұрғын үй кешенінің құрылысы аяқталды, деп хабарлады Polisia.kz.
Сотталғандардың өмір сүру жағдайын жақсарту үшін Қазақстан Республикасы Ішкі істер министрлігі түрме жүйесінің инфрақұрылымын жаңғырту жөніндегі Жол картасын іске асыру шеңберінде халықаралық стандарттарға сай жаңа нысандар салу жоспарлануда.
Бұл құрылыс қылмыстық-атқару жүйесін дамыту, оның ішінде сотталғандар үшін бұрынғы жасақтық жүйеден қазіргі камералық жүйеге кезең-кезеңімен көшу аясында жүргізілуде.
Бірінші кезеңде, яғни 2022-2024 жылдар аралығында еліміздің өңірлерінде, соның ішінде Ақмолада бірнеше түзеу мекемелерінде жаңа тұрғын үй кешендерін ашу жоспарлануда.
Бүгінгі күні Ақмола облысы бойынша Қылмыстық-атқару жүйесі департаментінің №7 мекемесінің аумағында әрбір камераға 280 адамға дейін сыятын екі тұрғын үй кешенінің құрылысы аяқталды.
Мекемеге облыстағы мемлекеттік органдардың, қадағалау және құқық қорғау органдарының өкілдері келді.