2025 жылды тойлау алдында полицейлер игі дәстүр бойынша Көкшетау қаласындағы No4 арнайы мектеп-интернатының оқушыларына барды, деп хабарлайды Polisia.kz.
Шара аясында ұлдар жылы лебіздермен қатар, қызықты сыйлықтарға ие болды.
Полиция басқармасының бастығы, полиция полковнигі Нұрсұлтан Мұқашев пен «Динамо» ФСО-ның вице-президенті Виктор Букреев мектеп оқушылары мен ұстаздарын келе жатқан Жаңа жыл мерекесімен құттықтады.
Полиция өкілі өз сөзінде балаларға зор денсаулық, оқуда табыс және ең асыл тілектерінің орындалуын тіледі. Жауап ретінде мектеп-интернат директоры Алтын Мұстафинова полиция қызметкерлеріне үнемі көңіл бөліп, қолдау көрсетіп жүргені үшін алғысын білдірді.
Балалар жаңа жылдық сыйлықтарға ие болды: тәттілер мен спорттық құрал-жабдықтар: доптар, шахмат, дойбы, нарды және ракеткалар. Мереке балаларға нағыз қуаныш сыйлап, олар үшін нағыз ғажайыпқа айналды.
Айта кетейік, мұндай кездесулер бұрыннан дәстүрге айналған. Ақмола облысының полиция қызметкерлері ұзақ жылдар бойы ерекше қажеттіліктері бар балаларға арналған мектеп-интернатқа қолдау көрсетіп келеді.