Батысқазақстандық полицейлер көліктен есірткі тапты, деп хабарлайды Polisia.kz.
Қарасор полициясының жедел іс-шарасы барысында Батыс Қазақстан облыстық ұйымдасқан қылмысқа қарсы күрес басқармасының қызметкерлері полиция патрульдік батальонының қызметкерлерімен бірлесіп, LADA (ВАЗ) 2114 автокөлігін тоқтатты.
Тексеру барысында жүргізуші мен көліктегі жолаушылардан құрамында өсімдік тектес заттар бар 9 сыдырма қапшық анықталып, тәркіленді.
Сондай-ақ полицейлер жеке тінту барысында өсімдік тектес заты бар пакетті тауып алып, Орал қаласының 1991 жылы туған тұрғынын қолға түсірді.
Есірткі заттарды заңсыз сақтау фактілері бойынша сотқа дейінгі тергеу амалдары жүргізілді.