Қызылорда облысының прокуратурасы мен полиция департаменті бірлесіп «IT-TERGEU» жобасын жүзеге асыруда. Жобаның мақсаты – қылмыстық құқық бұзушылықтың алдын алу және қылмысты ашудың тиімділігін арттыру, деп хабарлады Polisia.kz.
Прокуратураның үйлестіруімен жоба аясында Қызылорда облысының полиция қызметкерлері жедел-іздестіру іс-шараларының барысында Батыс Қазақстан облысының аумағында қылмыскерлер тобын анықтап, қолға түсірді.
Бұл топ жүйелі түрде республика аумағында интернет-алаяқтықпен айналысып, зардап шеккендерге аса ірі көлемде зиян келтіреді.
Тінту кезінде 16 ұялы телефон, бірнеше пайдаланылған сим-карталар, роутер және жалпы құны 3,5 миллион теңгені құрайтын қолма-қол ақша тәркіленді.
Күдіктілер Қызылорда облысындағы әлеуметтік желі қолданушыларына «олардың несие тарихын жақсартамыз, ақша алу үшін бағдарлама жасаймыз» деген жалған ақпаратты өздерінің IP мекенжайлары мен ақшасын алған банктегі есепшоттарын жасырып, қашықтан таратқан.
Шабуылшылар алаяқтық жолмен жалпы сомасы 45 миллион теңгені жымқырды деген күдікке ілінді.
Тергеу сотының қаулысымен күдіктілерге қатысты бұлтартпау шарасы екі айға қамауға алынды.
Қазіргі уақытта қылмыстық іс бойынша қажетті жедел-іздестіру шаралары жүргізілуде.