Жарысқа еліміздің барлық өңірінен ерлер мен әйелдер арасындағы ең үздік самбошылар қатысқанын Polisia.kz хабарлады.
Абай АІІБ қызметкерлері жауынгерлік самбодан жекелей сында жоғары нәтижелерге қол жеткізіп, көзге түсті. Олар бірнеше салмақ дәрежесінде жеңіске жетіп, жалпы командалық есепте бірінші орынды иеленді.
Жеке жарыс нәтижелері:
58 келіге дейінгі салмақ дәрежесі: полиция лейтенанты Айдар Асқаров – 2 орын
79 келіге дейінгі салмақ дәрежесі: полиция лейтенанты Айбек Құмарбек – 3 орын
79 келіге дейінгі салмақ дәрежесі: полиция лейтенанты Нұрасыл Увалиев – 3 орын
98 келіге дейінгі салмақ дәрежесі: полиция аға лейтенанты Жайдар Хасенов – бірінші орын
98 келіге дейінгі салмақ дәрежесі: полиция аға лейтенанты Мейір Көшкінбаев – 2 орын
98 келіден жоғары салмақ дәрежесі: полиция аға лейтенанты Бекзат Қайдаров – 3 орын
98 келіден жоғары салмақ дәрежесі: полиция аға лейтенанты Дамир Секен – бірінші орын
Жалпы командалық есепте жауынгерлік самбодан Қазақстан Республикасының кубогын Абай аудандық ІІБ командасы жеңіп алды. Абай АІІБ-нің басшысы қызметкерлердің жеткен жетістіктеріне тоқталып, алдағы уақытта да ел абыройын асқақтатып, жаңа жеңістерге жете беретініне сенім білдірді.
Қазақстан Республикасының Кубогы – спорттық және жауынгерлік самбоны дамытуға бағытталған маңызды шаралардың бірі. Мұндай жарыстарға қатысу қатысушылардың жаңа көкжиектерін ашып, спортта елеулі жетістіктерге жетуге ықпал етеді.