Жетісу полицейлері оқушылар мен ата-аналар арасында профилактикалық кездесулер ұйымдастырды, деп хабарлайды Polisia.kz.
Жетісу облысының полиция қызметкерлері оқушылар мен ата-аналар арасында құқықтық сауаттылықты арттыру мақсатында маңызды профилактикалық іс-шараларды қолға алды.
Жамбыл орта мектебінде 10-11 сынып оқушылары арасында олардың құқықтары мен міндеттерін талқылау мақсатында жиын өтті.
Интернетте зорлық-зомбылық пен алаяқтықтың алдын алуға, сондай-ақ кәмелетке толмағандарды әлеуметтік қамсыздандыру мәселелерін түсіндіруге ерекше назар аударылады.
Жиынның басты бағыттарының бірі – жастар арасындағы құқық бұзушылық пен қылмыстың, сондай-ақ жол-көлік оқиғаларының алдын алу. Аудандық полицейлер мұндай келеңсіздіктердің алдын алу және жастар арасындағы қылмысты азайтудың жолдарын іздестіру мақсатында түсіндіру жұмыстарын белсенді жүргізуде.
Момышұлы атындағы орта мектебінде «Жақсы перзент – Ата ана қолындағы аманат» тақырыбында ата-аналар жиналысы ұйымдастырылды. Іс-шара барысында ата-аналарға қылмыстық және әкімшілік кодекстің нормалары, сондай-ақ олардың тәрбиелік міндеттері түсіндірілді.
Балаларды бақылауды күшейту, әсіресе интернетпен өзара әрекеттесу және жол қозғалысы ережелерін сақтау мәселелері бойынша ұсыныстар берілді.
Мұндай іс-шаралар халықтың құқықтық білімін арттырумен қатар кәмелетке толмағандар арасында орын алуы мүмкін қылмыстардың алдын алуға септігін тигізеді.