2025 жылдың 14 қаңтарында Текелі қалалық мәдениет үйінде 9-11 сынып оқушылары мен мектеп оқушылары арасында «Есірткісіз өмір» профилактикалық іс-шарасы өтті, деп хабарлады Polisia.kz.
Шараны Жетісу аудандық ІІБ есірткі қылмысына қарсы күрес басқармасы, прокуратура, Текелі қалалық білім бөлімі және «Жарайсың, Текелі!» қоғамдық бірлестігі ұйымдастырды.
Іс-шараның негізгі мақсаты – жастар арасында салауатты өмір салтын насихаттау, нашақорлықтың алдын алу, азаматтық жауапкершілік пен патриоттық сезімді тәрбиелеу.
Сонымен қатар, қатысушылар арасында қарым-қатынас және өзара әрекеттесу мәдениетін қалыптастыруға ерекше көңіл бөлінеді.
Шара аясында «MI BATTLE» ойыны ойналды. Оған 60 оқушыдан тұратын 10 команда өзара бақ сынасты. Қатысушылар тек білімді ғана емес, сонымен қатар командалық рухты да көрсетті.
Жалпы, шараға 250-ден астам көрермен мен жанкүйер жиналды. Ойын соңында жеңімпаз командалар мен үздік капитандар марапатталды.
Сонымен қатар, нашақорлыққа қарсы ең үздік плакаттарды жасаған қатысушылар да марапатталды. Бұл іс-шара жастарға үлкен әсер қалдырды, себебі нашақорлыққа қарсы мұндай іс-шаралар жастардың өз өмірі мен денсаулығына жауапкершілікті сезінуіне ықпал етеді.