Маңғыстау полицейлері Конституция күнін атап өтті, деп хабарлайды Polisia.kz.
30 тамызда Конституция күні қарсаңында Маңғыстау облыстық полиция бөлімінде салтанатты шара өтті. Басқарма басшысы Сағындық Аяғанов қызметкерлерді мемлекеттік мерекемен құттықтап, алғысөз оқыды.
Осы айтулы күні жас полицейлер салтанатты түрде ант қабылдады.
Сонымен қатар, дәстүр бойынша мерекеге орай қызметте жоғары жетістіктерге жетіп, жүктелген міндеттерді мінсіз орындаған бірқатар полиция қызметкерлері марапатталды.
Атап айтқанда, Ішкі істер министрі Ержан Сәденовтің бұйрығымен ішкі істер органдарының 17 қызметкері марапатталса, 49 қызметкер полиция департаментінің Құрмет грамоталары мен алғыс хаттарымен марапатталды.
Ішкі істер органында ұзақ жылдар еңбек етіп, тәртіп пен заңдылықты нығайтуға үлес қосып жүрген 3 ішкі істер органының ардагері Құрмет грамоталарымен және грамоталармен марапатталды.