Қостанай облысында жол полицейлері 18 жастағы жігіттен 50-ден астам қаптама есірткіні тәркіледі, деп хабарлайды Polisia.kz.
Көліктегі полиция басқармасының қызметкерлері Ақтөбе-1 – Жіңішке стансасындағы жол бойында жас жігітті ұстады. Жеке тұлғаны тексеру кезінде оның әмиянынан 51 қаптамада дозаланған ұнтақ зат табылды.
Сонымен қатар, құзырлы органдар ұсталған азаматтың үйін тінту кезінде мефедронның пакетін тәркіледі.
Тәркіленген психотроптық есірткінің жалпы салмағы 560 грамнан асты, бұл мөлшері жағынан аса ірі деп саналады. Қазір бұл факті бойынша сотқа дейінгі тергеу амалдары жүргізілуде.
Қылмыстық-процестік кодекстің 201-бабында көзделген іс бойынша өзге де мәліметтер жарияланбайды.