Олимпиада жүлдегері оққағарлармен кездесті, деп хабарлады Polisia.kz.
Парижде өткен Олимпиада ойындарының күміс жүлдегері Нариман Құрбанов Қазақстан Республикасы Ішкі істер министрлігі Ұлттық ұлан «Оңтүстік» өңірлік қолбасшылығына қарасты 5571 әскери бөлімінде болды.
Әлем чемпионатында ел намысын қорғап, Мемлекеттік Туды желбіреткен жерлесіміз – қайратты да жігерлі жастардың жарқын өкілі. Кездесу барысында ол қала көшелеріндегі тәртіпті сақтауға жауапты әскери қызметкерлерге ақыл-кеңестерімен бөлісіп, Отан алдындағы адал қызметі үшін алғысын білдірді.
Шара соңында 5571 әскери бөлім командирінің тәрбие және әлеуметтік-құқықтық жұмыстар жөніндегі орынбасары Ұлықбек Қараев еліміздің әлемге танылуына қосқан үлесі үшін алғысын білдірді.
Құрметті қонаққа «Оңтүстік» өңірлік қолбасшылығының қолбасшысы Талапкер Әміреевтің Алғыс хаты мен естелік сыйлық табыс етілді.