Батыс Қазақстан облысында көші-қон полициясының қызметкерлері тексеру барысында 95 адам есепте тұрған пәтерді тапты, деп хабарлайды Polisia.kz.
Батыс Қазақстан облысында көші-қон полициясының қызметкерлері азаматтарды тіркеу саласында өрескел заң бұзушылықтарды анықтады. Орал қаласындағы пәтерлердің бірінде 95 адам тіркелгенімен, бұл мекенжайда нақты тұрмаған. Пәтер иелеріне әкімшілік шара қолданылды.
Қазақстан Республикасының Әкімшілік құқық бұзушылық туралы кодексінің 493-бабына сәйкес тұрғын үй иелері азаматтарды заңсыз тіркеудің әрбір оқиғасы үшін жауапкершілікке тартылуы мүмкін екенін естеріңізге саламыз. Бұл сонымен қатар тіркелген адамдар өмір сүрмейтін «резеңке пәтерлер» деп аталатындарға да қатысты.
Келесі жайттарға ерекше назар аудару қажет: бір жыл ішінде қайталап бұзушылықтар заңдық жауапкершілікті күшейтуге әкеп соғады (ҚР ӘҚБтК 493-бабы 2-бөлігі). Мекенжайы бойынша іс жүзінде тұрмайтын тұлғаларды тіркеудің күшін жою шараларын қолданбау да заңды жауапкершілікке әкеп соғады (ҚР ӘҚБтК-нің 493-бабының 4-бөлігі).
Сонымен қатар, жеке басын куәландыратын құжатсыз немесе тіркеусіз тұратын адамдар ҚР ӘҚБтК-нің 492-бабы бойынша жауапкершілікке тартылады. Бір жыл ішінде қайталанатын бұзушылықтар ауыр жазаға әкеп соғады.
Азаматтарды тіркеу саласындағы заңнаманы сақтау тек құқықтық мәселе ғана емес, сонымен қатар қауіпсіздік пен әлеуметтік тәртіпті қамтамасыз етудің маңызды шарты болып табылады.