– Сәуір айында Аққулы ауылында кәмелетке толмағандар ісі жөніндегі учаскелік инспектор Елдос Қойкенге әйелдің суға батып бара жатқаны туралы сигнал келіп түсті. Ол ойланбастан анасы мен екі баласын аман алып қалу үшін өзенге жүгірді. Дер кезінде қабылданған шешімдер мен жедел шаралардың арқасында адам өмірін сақтап қалды. Облыстық ҚДП кадр жұмысы басқармасы басшысының міндетін атқарушы Ринат Киреев әскери және қызметтік қызметін үлгілі атқарғаны, батылдығы мен адалдығы үшін Елдос Қойкеннің Қазақстан Республикасы Президентінің Жарлығымен «Ерлігі үшін» медалімен марапатталғанын айтты.