Полицейлер Батыс Қазақстан облысының тұрғынынан марихуана тәркіледі, деп хабарлайды Polisia.kz.
«Қарасор» ОПМ аясында Батыс Қазақстан облыстық полиция департаментінің Ұйымдасқан қылмыстың алдын алу басқармасының қызметкерлері Приураль полиция бөлімінің қызметкерлерімен бірлесіп, Бәйтерек ауданының 54 жастағы тұрғынын қолға түсірді.
Ұсталғанның тұрғылықты жеріне тінту жүргізіп, құрамында өзіне тән иісі бар жасыл түсті өсімдік заты бар 5 бума және 1 қаптама тәркіленді.
Сараптама қорытындысына сәйкес, тәркіленген зат салмағы 213 грамм болатын кептірілген марихуана екені анықталды.
Есірткі заттарды өткізу мақсатынсыз заңсыз айналымына қатысты сотқа дейінгі тергеу жүргізілді.