Ақсуат ауданында Екпін ауылының маңында Алматы-Зайсан бағытымен келе жатқан «Сетра» жолаушылар автобусында техникалық ақау пайда болды. Оқиға кезінде автобуста 41 жолаушы болған, оның ішінде 14 бала, деп хабарлайды Polisia.kz.
Оқиға орнына жедел жеткен полицейлер Екпін ауылындағы Мәдениет үйіне жолаушыларды эвакуациялады. Полиция күштерінің ұйымдасқан араласуы мен жергілікті тұрғындардың көмегінің арқасында автобус оқиғасы орнында шешіліп, қонақтар аман-есен сапарын жалғастырды.
Жолаушылар полиция қызметкерлеріне жеделдігі, кәсібилігі және қиын жағдайда қалған адамдарға қамқорлығы үшін шынайы алғыстарын білдірді.