Polisia.kz жыл басынан бері Көліктегі полиция басқармасы түрлі әкімшілік құқық бұзушылық жасағаны үшін 351 адамды ұшақтан шығарғанын хабарлады.
Оның 173-і қоғамдық орындарға мас күйінде шыққаны үшін, 136-сы ұшақта темекі шегу үшін және 19-ы ұсақ бұзақылық үшін.
Елорда әуежайындағы онлайн полиция бөлімінің қызметкерлері Инчхон-Астана халықаралық әуежайынан рейспен келген құқық бұзушыны анықтап, қолға түсірді.
Тексеру барысында 49 жастағы Ресей Федерациясының азаматы ұшақтың дәретханасында темекі шеккені анықталды. Шетелдік азамат ұшақта темекі өнімдерін тұтынғаны үшін әкімшілік жазаға тартылып, оған 50 АЕК (184 600 теңге) көлемінде айыппұл салынды.
Ұшақта темекі шегу ережелерге қайшы ғана емес, борттағы барлық адамдарға қауіп төндіретінін еске саламыз. Өзіңіздің және басқа жолаушылардың қауіпсіздігі мен жайлылығын қамтамасыз ету үшін белгіленген ережелерді сақтауыңыз керек.