Солтүстік Қазақстан облысында өткен «Динамо» спартакиадасында полицейлердің самбошылар ауыр және аса ауыр салмақ дәрежесінде мықтылығын көрсетті, деп хабарлайды Polisia.kz.
«Динамо» спорт және дене шынықтыру бірлестігінің дәстүрлі спартакиадасы аясында Солтүстік Қазақстан облысының тәртіп сақшылары самбо күресінен сынға түсті.
Жарыстар 19 және 20 қыркүйекте жасөспірімдер мен балалар спортының ұлттық спорт мектебінде өтті. Барлығы 12 дене шынықтыру тобы қатысты. Жарыс қорытындысы бойынша Қазақстан Республикасы Ұлттық ұлан академиясының қызметкерлері мықты болып шықты. Жалпы рейтингте екінші орын Облыстық полиция департаментінің қызметкерлеріне, үшінші орын Солтүстік Қазақстан облыстық шекара қызметінің қызметкерлеріне бұйырды.
Полиция қызметкерлері арасында бірінші орын 71 келіге дейінгі салмақта Райымбек Асқаровқа, сондай-ақ 98 келіге дейінгі салмақта өнер көрсеткен Ернар Жаңабаев пен 98 келіден жоғары салмақта өнер көрсеткен Әділ Қайыровқа бұйырды.
Қазылар алқасы «Жеңіске деген жігері үшін» номинациясын шекара қызметінің офицері Дулат Алпысовқа берді. «Үздік техника үшін» сыйлығымен ОҚО ДП қызметкері Әділ Қайыров марапатталды.
Аудандық ішкі істер бөлімдері арасында Айыртау аудандық ішкі істер бөлімінің қызметкерлері мықты болса, екінші және үшінші орындарда Тайынша және Есіл аудандық ішкі істер бөлімдері тұр.