Түркістан қалалық полиция патрульдік батальонының қызметкерлері жол қауіпсіздігін қамтамасыз ету бойынша кезекшілік кезінде О.Жарылқапов көшесінде BMW 750 көлігін тоқтатты, деп хабарлайды Polisia.kz.
Полицейлер «Қорғау» бағдарламасының көмегімен жүргізушінің 4 миллион теңге төленбеген қарызы бар екенін анықтады.
Көлік жүргізушісі тәртіп сақшыларының тоқтау туралы заңды талаптарын орындамай, жылдамдықты арттырып, полициядан қашуға әрекеттенген.
Уақытылы қабылданған шараның арқасында полицейлер көлікті тоқтатып, уақытша ұстау изоляторына жеткізіп, жүргізуші әкімшілік құқық бұзушылық үшін жауапкершілікке тартылды.
Керісінше, полицейлер жол ережесін сақтауға және мұндай жағдайларға жол бермеуге, айыппұлдарды уақытылы төлеуге шақырады.