Polisia.kz хабарлағандай, 2024 жылы Түркістан облыстық полиция департаментінде халықпен жұмыс істеудің маңызды аспектілері бойынша 250-ден астам кездесулер мен дәрістер өткізілген.
Түркістан облысының полиция департаментінің бастығы Мұрат Қабденовтің тапсырмасына сәйкес қызметкерлердің тәртібі мен заңдылығын сақтау, сыбайлас жемқорлықтың алдын алу жұмыстары үздіксіз жүргізілуде. 2024 жылы полиция басқармасы қалалық және облыстық басқармалармен бірге 250 кеңес өткізді. «Полиция халыққа жақын» деген қағиданы енгізу, яғни халықтың мұң-мұқтажына жедел ден қою, заң аясында қолдау көрсету – басты міндеттердің бірі.
Төтенше жағдайларға психологиялық дайындық және суицидтің алдын алу бойынша 34 дәріске 11 мыңнан астам полиция қызметкері қатысты. Психологтар 9 мың қызметкердің қатысуымен 19 түрлі сынақ жүргізді.
Сонымен қатар, өткен жылы 15 аудандағы орта мектептерде «Жас сақшы» полиция сыныбы ашылды. Бұл сынып сағаттарының басты мақсаты – балаларды отансүйгіштікке, туған жерге деген сүйіспеншілікке тәрбиелеу, сондай-ақ халыққа қызмет ету рухын насихаттау.
Полиция қызметін жетілдіру аясында үлгілі қызметі мен кәсіби шеберлігі үшін 1868 басшы қызметкер марапатталды. Оның ішінде 125 қызметкер Ішкі істер министрлігінің көтермелеуін алады.
Полиция жұмысына да оңтайлы жағдай жасалып, қажетті техника мен ұйымдастыру техникасымен қамтамасыз етілді. Бұл бағыттағы іс-шаралар алдағы уақытта да жалғасын табатын болады.