Polisia.kz хабарлағандай, Түркістан облысында 900 мыңнан астам кәмелетке толмаған балалар бар және олардың қауіпсіздігі басты назарда.
Бұл бағытта полиция бөлімі мен басқа да құзырлы мемлекеттік органдардың қызметкерлері бірлесе жұмыс атқаруда.
Кәмелетке толмағандар арасындағы қылмыс пен құқық бұзушылықтың алдын алу мақсатында «Жастар және жауапкершілік», «Жасөспірімдер» және «Түнгі уақытта қаладағы балалар» атты түнгі рейдтер мен жедел алдын алу шаралары өткізілуде.
Жыл басынан бері жүргізілген жұмыстардың нәтижесінде ішкі істер органдарымен қылмыс жасау қаупі бар 449 кәмелетке толмаған жасөспірім және 290 жарамсыз отбасы профилактикалық есепке алынған.
Тәртіп сақшылары түнгі уақытта ойын-сауық орындарында жүрген 224 кәмелетке толмаған және заңды өкілінсіз үйден тыс 4864 жасөспірімді анықтады.
Кәмелетке толмағандардың ойын-сауық мекемелеріне кешкі сағат 22.00-ден кейін кіруіне рұқсат берген 120 мекеме иесі сотқа тартылды.
Кәмелетке толмағандар арасындағы қылмыс 3,8%-ға төмендеді.
