Түркістан облыстық полициясы жергілікті тұрғыннан 3,5 келіден астам марихуана тәркіледі, деп хабарлайды Polisia.kz.
Түркістан облысының полицейлері жедел-іздестіру шарасы барысында есірткіні заңсыз сақтады деген күдіктіні қолға түсірді.
Ордабасы аудандық полиция бөлімінің қызметкерлері 34 жастағы аудан тұрғынының үйіне тінту жүргізіп, оның барысында марихуанаға ұқсас заты бар контейнерлер табылды. Сараптама қорытындысы бойынша тәркіленген есірткінің жалпы салмағы 3,5 келіден астам болған.
Қазіргі уақытта есірткіні заңсыз сақтау фактісі бойынша сотқа дейінгі тергеу амалдары басталып, істің барлық мән-жайы анықталуда. Күдікті қамауға алынды.