Қазақстан Республикасы Ішкі істер министрлігі Ұлттық ұлан сарбаздары Дүниежүзілік көшпенділер ойындары кезінде қызынан айырылған шетелдікке көмек көрсетті, деп хабарлайды Polisia.kz.
Оқиға 8 қыркүйекте этноауылда болған, сол жерде сержант Рауан Иманбердиев пен ефрейтор Нұрдос Манас қараусыз жылап жатқан баланы байқаған. Тәртіп сақшылары бірден ата-анасын іздеуге кірісіп, қыздың әкесін тез арада тапты. Ер адамның жеке басын растағаннан кейін бала оған қайтарылды.
Қыркүйектің 8-і мен 13-і аралығында өтетін шарада қауіпсіздік басты назарда. Ішкі істер органдарының қызметкерлері елорда тұрғындары мен туристер үшін тәртіп пен тыныштықты қамтамасыз етіп, күшейтілген режимде жұмыс істеуде.