Ішкі істер министрлігі шетелдік қылмыскерлердің елге кіруіне жол бермеу үшін барлық шараларды қабылдауда, деп хабарлады Polisia.kz.
Жыл басынан бері криминалдық полиция 647 шетелдік қылмыскерді аулады, оның ішінде өткен айда ғана 34 адам ұсталды.
Мәселен, Қостанай облысында тәртіп сақшылары 2021 жылы Бішкек қаласында Қырғыз Республикасының шенеуніктері тобының құрамында сыбайлас жемқорлыққа жол беріп, 7 миллион сом ақша жымқырған 44 жастағы Ресей азаматын ұстады. .
Ресей Федерациясының құқық қорғау органдары іздеуде жүрген тағы бір шетелдікті Солтүстік Қазақстан облысының аумағында ұстады. Ол 2023 жылы Түменде топтың құрамында жергілікті тұрғыннан 300 мың рубль және «Тойота Камри» көлігін бопсалаған.
Жалпы биылғы жылы Қазақстан полициясы 1596 қылмыскерді құрықтап, із-түзсіз жоғалған 1058 адамның жүрген жерін анықтады.